كيف حالكم البنات إنشاء الله تكوتوا بألف خير , أنا كنت كليت واحد بطاطا في مطعك بيتزا هت وعجباتني وواحد النهار كنتصفح في الأنترنيت وأنا نلقى الوصفة في واحد المنتدى عماني وجربتها وجاتني زوينة كلت ننقلها ليكم على بركة الله يالاه ندخلوا للكوزينة .

المقادير :

3 بطاطات مسلوقين بقشورهم
هريسة
ملعقة ديال الطحين
إبزار
ملح
التحميرة
خرقوم
نصف ملعقة صغيرة خميرة الحلوى
وكاس ماء






الطريقة :

*غادي نخلطوا جميع المقادير حتى نحصلوا على على خليط خاتر .





* نأخذوا كل بطاطا ونقسموها على ربعة على شكل هلال ونغطسوهم كلها في الخليط اللي خلطنا ونصففوهم في صفيحة الفرن وندخلوهم للفرن كايجيوا ناشفين وممكن نقليوهم ولكن إلى بقيتوا تقليوهم غادي تزيلوا ليهم الجلوف ومنين تغطسوهم في الخليط غادي دوزيهم في الطحين وتقليهم .












* وهنا بعد ما طابت .





وهاد الطبسيل لكن أنيقاتي .




* نتمنى تنال إعجابكم واخة غير بسيطة ولكن غير قبلوا عليا ودعيوا معايا بالذرية الصالحة .