سيكار مورق بالدجاج
نحتاج
لبصلة نقليها مع ضرس ديال التومة محكوك وزيت بلدية
من بعد نضيف قطع ديال دجاج ونقليهم شوية
من بعد نضيف نص معلقة صغيرة توابل الشوارما
ونضيف الملح والبزار وقليل من التحميرة والسكينجبير
من بعد ميتشحرو مزيان نمرق بنص كاس ديال الماء صغير ونخليه يطيب فيه الدجاج ويشرب المرق عاد نضيف قليل من زيتون مقطع مزيان والشعرية الصينية ونطفي عليه ونخليه يبرد
من بعد نعجن عجينة المسمن عادي ونقسمها لكرات
نبسط الكرة الاولى ونورقها بالزيت مخلط مع الزبدة دايبة
ونعمل في الطرف ديالها طقليل من الحشوة وفوقها فرماج سندويش ونلفها على شكل سيكار ونزلوها فوق الطاوة
وندخلها للفران تطيب من بعد مدهنتها بازيت والزبدة
ومللي تقرب تكمل طيابها نرش عليها قليل من الفروماج محكوك نخليه غير يدوب وتقدم
