كيكة بالبصلة والطون

هذي اخواتي كيكة رائعة المذاق وسهلة التحضير اكيد الا جربتوها غادة تولي معتمدة عندكم ان شاء الله

اول حاجة ناخذ بصلة متوسطة ونقطعها شنانف ونعملها تشحر مع ملعقة كبيرة زبدة



نضيفو لها الملح والابزار ومللي تبان ليكم تحمرت طفيو عليها وخليوها تبرد شوية



في اناء نعمل 3 ديال البيضات كاس عنبة لبن خاتر انا استعملت ديال جودة.. كاس الا ربع زيت.. شوية ملح راس ملعقة فقط .. ابزار.. نصف ملعقة سكين جبير



ونخلط مزيان غير بالطراب اليدوي

من بعد نضيف البصل اللي شحرت و2 معالق كبار جبن مبشور وحك ديال الطون اي نوع انا استعملت ميلو يكون مصفي من الزيت ونخلط كلشي



من بعد نضيف الدقيق و2 خمارات ديال الحلوى... بالنسبة للدقيق عينك ميزانك خصها تكون شوية ثقيلة ماتبقاش جارية فحال الكيكة الحلوة



ونعملها في مول مدهون بالزبدة والدقيق وتدخل للفران يكون سخون مسبقا وكل وحدة كاتعرف فرانها وكيفاش كايطيب

مللي تطيب وقبل مانعملوها تحمر نرش على الوجه ديالها 2 معالق كبار جبن مبشور مخلط مع الزعتر ونرجعوها تحمر



راه كاتجي رائعة جدا.... بالصحة والراحة





سبحان الله وبحمده سبحان الله العظيم

_{هذه المقالة نشرت أصلا في موضوع المنتدى : كيكة بالبصلة والطون...مذاق راااااائع كتبت بواسطة أم أيـــوب مشاهدة المشاركة الأصلية}

_{اناقة مغربية}