طاجين القوق والجلبانة بطريقة تقديم راقية
9/4/2014
شهيوتنا اليوم شهيوة بلدية أبطالها خضر موسمية مليئة بالفوائد للصحة نبداو على بركة الله
حاجتنا في
لحم بقري المقدار اللي بغيتوأنا درت نص كيلو
500g قوق
250gجلبانة
نص كاس عنبة زيت مخلطة رومية وبلدية
بصلة متوسطة مشلضة
ضريس ثومة
معلقة كبيرة قصبور ومعدنوس مكرضين
معلقةصغيرةملح
نص معلقة صغيرة إبزار
نص معلقة صغيرة سكينجبير
نص معلقة صغيرة خرقوم
كاس ماء كبير
زيتون وحامض مصير للتزيين
أول حاجة كنسخن الطاجين على عافية مهيلة عاد نزيد الزيت والبصلة اللحم الملح والعطرية والتومة
نقليه شوية ونزيد ليه الما ونخليه يطيب
في هاد الوقيتة كنقي القوق ونحيد ليه القلب ديالو حتى السيقان ماكنرميهومش كنقيهوم بحال الخرشوف أو القنارية وكندير كلشي في بانيو عامر ما كنزيد عليهم نص حامضة باش مايكحالوش
كنخلي اللحم يطيب شي 2 ساعات أو أكتر على حساب اللحم المهم منين كيطيب اللحم كنحيد شوية ديال المريقة
كنزيدها للجلبانة اللي نقيت ونخلط
كنستف القوق
نعمرو بالجلبانة
نزوق بالحامض مصير والزيتون
نزيد ليه الما إلى خاسو ونخليه يطيب من ساعة حتى لساعة ونص وها الطويجن ديالنا واجد بالصحة والراحة
تعليقات
إرسال تعليق