ليوم جبت ليكم طريقة السناك في توجاد الدجاج المحمر للي كيبان ليكم معلق هههههههههههههههه
نحتاج للعطرية
ملح
بزار
خرقوم بلدي
فلفلة حمراء
سكينجبير
سمن بلدي
زيت بلدية ورومية
ربع حامضة مصيرة
3فصوص توم محكوكين
نرقد في الدجاج فهاد الشرمولة ليلة كاملة
ونديرها فشي قطيب ونخليها على جنب
بالنسبة للشرمولة للي بقات نزيد عليها 2بصلات مشنفين ونعاود نزيد عليها شوية من العطرية للي درنا للدجاج ونمرق البصلة بنص كاس ديال الماء
وندخلوها للفران والدجاجة نعلقوها داخل الفران ويكون الصدر من الجهة الفوقاينية ونخلوها تطيب
ومرة مرة نقلبوها من كل الجوايه باش تجينا محمرة
نسلق شوية ديال ازيتون ومللي تطيب لينا البصلة نزيدوه عليها ونخلوها تتدغمر بلا منحرقوها
وتقدم بالف صحة وعافية
