عصير لذيذ وبكمية كبيرة
حياكن الله أخواتي ليومة ومن بعد واحد الغيبة طويييلة على قسم الطبخ اللي توحشتو هههه جايبة معايا واحد العصير نتمنى يعجبكم
كيلو ونصف ليمون
كيلو ونصف خوخ
نصف كيلو جزر
السنيدة حسب الذوق
2 ياغورت بنكهة الخوخ
الماء يمكن الاستعمال حتى 10 لتر
كنقشر 3 الليمونات ونحتافظ بقشرتهم وكنعصرهم مع باقي الليمون
كنقشر الجزر ونحاول ننقص شوية من اللب ونقطعو
في كوكوط نعمل عصير الليمون وقشرة 3 الليمونات والجزر والسنيدة ولتر من الماء ونترك الكل على نار لمدة 15 دقيقة أو أكثر طبعا بوضع الصفارة
في هذه الاثناء نطحن الخوخ المنقي ومزال العظم مع الياغورت وشوية الماء
ونوضعو في إناء ونحتفظ بيه
ثم حين يطيب الجزر اللي في الكوكوط نزولو من فوق النار ونوضعو في إناء كبير باش يبرد
ثم يطحن بعد ذلك ويصفى ويوضع في إناء كبير باش يساع لنا للماء
ثم نخلط الخليطين مع بعض مع إضافة كمية مهمة من الماء من 7 لتر إلى 9 لتر على حسب الذوق وطبعا تزيدو السنيدة إذا تطلب ذلك
شوفو ما شاء الله شحال خرج لينا 10 لتر غير نحل محل ديال العصيرات هههههه
ونقدموه بالصحة والراحة
يمكن ليكم تعملو منو في سلطات الفواكه أو في الديسيرات أو غير بحال هاكاك كيجي عصير منعش .....
اناقة مغربية
تعليقات
إرسال تعليق