كتف الغنمي مشوي في الفرن

عواشركم مبروكة أخواتي تقبل لله منا ومنكم صالح الأعمال

وصفة اليوم هي كتف الغنمي مشوي في الفرن

الطريقة ساهلة بزاف ممكن تعتامدوها لضيافكم وغادي يفكرو انكم بدلتو مجهود فظيع معها فحين أنها أسهل منها مكاين وفي نفس الوقت شهيوة كتحمر الوجه

كتف غنم أو فخد حسب الرغبة + شوية زيت بلدية + 2 عويدات قرفة + ربع م ص إبزار + ربع م ص سكنجبير + شووووية زعفران شعرة (ممكن الإستغناء عنه) + شوية ملح

الطريقة : كنغسل اللحم ونخليها تستقطر مزيان ونشفها

نعمل التوابل مع الزيت إلا القرفة

ثم ندهن اللحم بخليط الزيت والتوابل ونعمل فتحات صغيرة بواسطة سكين

نزل عويدات القرفة ونزل عليهم اللحم وندخلها لفرن ساخن على 250 درجة باش تاخد لون ومنبعد نقص ل 180 درجة ونغطي اللحم بورق الألمنيوم ونحاول منخليش للبخار منين يخرج

ونخليها تطيب كتاخد تقريبا من 3 سعات إلى 3 سعات ونصف حسب اللحم لي عندكم المهم ضروري أنكم تجربوها واش فتية أو لا إدا كانت بقا ما عليكم غير ترجعو تغطيوها مزيان

منين تتأكدت أنها طابت حيدت ليها الألمنيوم وخليتها تزيد تتحمر




هاهي واجدة

رافقتها بالفريت و مطيشة والبصلة مشحرين فشوية زيت وإبزار وملح وشوية تحميرة

وطبعا شوية الملح والكامون ضروريين للشوا

ينتها بجزر مسلوق وزيتون أخضر

ممكن تزينوها بقطع الفروماج والموتاديلا حسب دوقكم






بالصحة والراحة

_{هذه المقالة نشرت أصلا في موضوع المنتدى : كتف الغنمي مشوي في الفرن :: عواشركم مبروكة حبياتي :: كتبت بواسطة أم أســامة و إيمــان مشاهدة المشاركة الأصلية}

_{اناقة مغربية}