حلوة اللوز و الجوز

انيقاتي
اليوم كنقدم لكم حلوة اللوز و الجوز ساهلة و لذيذة نتمنى تعجبكم


300 غ اللوز
100 غ الجوز
200 غ سكر كلاصي
4 م ك ماء الزهر
2 م ك زنجلان محمر و مطحون
1 م ص القرفة
1 فانيلا
العجينة فينو + زبدة دايبة + العسل
البيض + شوية اللوز و الجوز و زنجلان لزينة





صلقت اللوز و قشرتو و حمرتو في الفران و طحنتو ماشي بزااف مسحت الجوز و حمرتو و طحنتو
في زلفة كبيرة خلطت اللوز و الجوز و سكر و القرفة و فاني و زنجلان مطحون و ماء الزهر
سرحت الورقة و دهنة بزبدة و سرحت الخليط و لويت و اطراف دهنت بالبيض و دهنة مزيان بالزبدة و قطعت
و دخلت طيب على حرارة 200 مدة 15 دقيقة و ملي خرجو سقيتوم و هما مزالين سخان بالعسل بارد
و شكل الثاني سرحت الورقة و دهنة بالزبدة و درت الخليط الفوق فقط و لويت و دخلت تطيب و ملي خرج قطعتو و كان سقيهوم
بالعسل وهوما مزالين سخاااان و زينتوم بالخليط اللوز و الجوز و زنجلان

_{هذه المقالة نشرت أصلا في موضوع المنتدى : حلوة اللوز و الجوز ساهلة و لديييييييييييييدا كتبت بواسطة صفا 34 مشاهدة المشاركة الأصلية}

_{اناقة مغربية}